- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Асцярожнасць не пашкодзіць…(Мядзельскі раён)
Папярэджанню пажараў і гібелі людзей на іх, а таксама прафілактыцы п'янства, асацыяльнага ладу жыцця, сямейнага недабрабыту сёння надаецца асаблівая ўвага. І ў гэтым важную ролю адыгрывае, у першую чаргу, праца з насельніцтвам. На тэрыторыі населеных пунктаў раёна актыўна дзейнічаюць назіральныя камісіі, ажыццяўляюцца выязныя прыёмы, працуюць інфармацыйныя і мабільныя групы, рэгулярна праводзяцца сельскія сходы грамадзян, а таксама выступленні перад работнікамі арганізацый і прадпрыемстваў.
Чарговая такая сустрэча прайшла 19 лютага ў санаторыі “Журавушка”. З з працоўным калектывам сустрэўся начальнік Мядзельскага раённага аддзела па надзвычайных сітуацыях Андрэй Анатольевіч Каркоцкі. Ён распавёў аб становішчы з пажарамі ў раёне і ў цэлым па вобласці, прывёў статыстыку і пэўныя заканамернасці, выяўленыя пры аналізе прычын ўзнікнення пажараў.
- Тут на першае месца можна паставіць ўжыванне алкаголю і часта, як следства, курэнне ў ложку ў стане алкагольнага ап’янення. – адзначыў Андрэй Анатольевіч. – Неабходна ўжо зараз успомніць пра наступленне вясенне – летнега пажаранебяспечнага перыяду. Менавіта ў гэты перыяд лідзіруюць пажары, звязаныя з прыбіраннем і спальваннем мусару на сваім прысядзібным ці дачным участку. А адбываецца гэта таму, што гаспадары “наводзяць парадак” з парушэннем норм і правілаў пажарнай бяспекі. Бо калі не ўсё, то вельмі многае залежыць ад кожнага з нас – дадаў Андрэй Каркоцкі.
Напрыканцы сустрэчы выратавальнік акцэнтаваў увагу на важнасці агучаных у працэсе выступлення пытанняў. Адзначыў, што і ў далейшым работнікі МНС будуць папярэджваць, пераконваць, а калі неабходна, то і прымушаць да выканання правілаў бяспекі жыццядзейнасці людзей.
У гэты ж дзень намеснік начальніка па аператыўна – тактычнай рабоце Андрэй Аляксандравіч Матняк інжынерам па ахове працы арганізацый і прадпрыемстваў Мядзельскага раёна аб неабходнасці выканання правіл бяспекі не толькі на рабочым месцы, але і ў асабістым жыллі.
- Тым больш, на тэрыторыі Мінская вобласці ў дадзены момант праходзіць месячнік пажарнай бяспекі, які накіраваны на стабілізацыю аператыўнай абстаноўкі з пажарамі, зніжэнне рызыкі гібелі людзей ад знешніх прычын, прафілактыку цяжкіх і асабліва цяжкіх злачынстваў супраць асобы, - адзначыў Андрэй Аляксандравіч.