- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Прафілактыка ў працоўных калектывах (Мядзельскі раён)
Адным з эфектыўных метадаў работы па барацьбе з пажарамі і гібеллю людзей ад іх застаецца выступленне ў працоўных калектывах. Бо менавіта жывая размова з людзьмі дае станоўчы вынік у разглядзе тэм, звязаных з забеспячэннем пажарнай бяспекі. Некалькі сустрэч з працоўнымі калектывамі Мядзельўчыны адбылося 13 лютага. Так, начальнік раённага аддзела па надзвычайных сітуацыях Андрэй Каркоцкі сустрэўся з тэхнічным персаналам унітарнага прадпрыемства “Санаторый “Нарачанка”. А вось намеснік начальніка па аператыўна тактычнай рабоце Андрэй Матняк правёў выступленне перад работнікамі Мядельскіх раённых электрычных сетак.
Падчас сустрэч былі закрануты важныя пытанні бяспекі, найпершае з якіх - гэта неасцярожнае абыходжанне з агнём, дзе, як правіла, прычынай служыць курэнне ў ложку ў стане алкагольнага ап'янення. Дарэчы, менавіта гэтая прычына з'яўляецца лідзіруючай на сённяшні дзень.
Наступным фактарам з'яўляецца парушэнне правілаў эксплуатацыі электрапрыбораў і электраабсталявання. Асабліва актуальная гэтая тэма з надыходам асенне-зімовага перыяду, калі абагравальнікі, чайнікі і нават банальныя зарадкі для тэлефона могуць стаць прычынай пажару.
Асаблівы акцэнт выратавальнікі Мядельшчыны ў сваіх выступленнях зрабілі на «самае дарагое» што ёсць у нас - гэта на дзяцей. Так, Андрэй Анатольевіч адзначыў: «Трэба абавязкова гаварыць з малымі, гуляць з імі, займацца на супрацьпажарную тэматыку, а тым самым і зніжаць колькасць надзвычайных сітуацый з удзелам дзяцей».
Не абмінулі бокам і тэму ўстаноўкі аўтаномных пажарных апавяшчальнікаў, бо менавіта гэты «немудрагелісты прыбор» дапаможа нам у самае нечаканае імгненне. Бо менавіта з дапамогай дадзенага прыбора, нават знаходзячыся ў глыбокім сне, чалавек пачуе сігнал ў выпадку пажару.