- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Каб не было позна… (Стаўбцоўскі раён)
Усе мы ведаем, што агонь – гэта бязлітасная стыхія: штогод на пажарах у нашай краіне гінуць людзі, атрымліваюць траўмы і калецтвы рознай ступені цяжкасці, знішчаецца жыллё і маёмасць. Хто ж вінаваты ў гэтым выпадку? Ніхто не спрачаецца, што прасцей за ўсё перакласці віну на “кагосьці” ці на “штосьці”. Нам зручна лічыць, што трагедыя здарылася па незалежнай ад нас прычыне. І толькі адзінкі разумеюць, што вінаватыя самі, але… паразуменне гэтага прыходзіць, на жаль, ужо позна.
Менавіта для таго, каб не было позна, ратавальнікі Стаўбцоўшчыны працягваюць “сустрэчы бяспекі” з насельніцтвам. Так, чарговую сустрэчы па пытаннях бяспекі правёў намеснік начальніка райаддзела па надзвычайных сітуацыях Андрэй Герасіменка. Слухачамі на гэты раз сталі жыхары вёсак Старасвержанскага сельвыканкама. Падчас сваіх выступленняў прадстаўнік службы выратавання яшчэ і яшчэ раз тлумачыў грамадзянам патрабаванні правілаў пажарнай бяспекі пры эксплуатацыі ацяпляльнага і электрычнага абсталявання, а таксама печак. Нагадаў Андрэй Сцяпанавіч і пра ўстаноўку аўтаматычнага пажарнага апавяшчальніка. Акрамя таго, улічваючы непрадказуемы настрой прыроды, не засталіся без увагі і пытанні бяспечных паводзін каля вадаёмаў, падчас моцнага ветру і галалёду. Не губляе сваёй значнасці і пытанне дзіцячай бяспекі.
Канешне, хтосьці адразу прыслухоўваецца да парад ратавальнікаў, а хтосьці…шукае потым вінаватых. А можа, усім нам трэба спыніцца, выслухаць і выправіць…каб не было позна?!