- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пажар лепш папярэдзіць… (Мядзельскі раён)
Агонь – гэта стыхія, якая не выбірае, да каго прыйсці. Калі полымя выйшла з-пад кантролю, то пакутуюць усе. Як правіла, асноўнай прычынай узнікнення пажараў і гібелі людзей ад іх з’яўляецца неасцярожнае абыходжанне з агнём. Цяжка ўсведамляць тое, што ў большасці выпадкаў такія трагедыі адбываюцца па віне курцоў, якія злоўжываюць спіртнымі напоямі.
У мэтах папярэджання ўзнікнення пажараў і недапушчэння гібелі людзей ад іх работнікамі Мядзельскага раённага аддзела па надзвычайных сітуацыях праводзіцца штодзённая прафілактычная работа, якая заклікае ахапіць максімальную колькасць жыхароў раёна. Падчас прафілактычных мерапрыемстваў у жылым сектары работнікі МНС сумесна з зацікаўленнымі праводзяць гутаркі і інструктажы па мерах пажарнай бяспекі, уручаюць памяткі і лістоўкі супрацьпажарнай накіраванасці, звяртаюць асобую ўвагу на выкананне правіл пажарнай бяспекі пры эксплуатацыі пячнога і газавага ацяплення, электрычнага абсталявання, на недапушчэнне курэння ў ложку і пакіданне непаўналетніх без нагляду. Акрамя жылых дамоў падчас рэйдавых мерапрыемстваў увага надаецца гаспадарчым пабудовам. Вось і мінулы тыдзень не стаў выключэннем: начальнік аддзела Андрэй Каркоцкі і яго намеснікі акцэнт надалі домаўладанням шматдзетных семьяў. А вось работнікі прафілактычнага блоку сумесна з карэспандэнтам раённай газеты “Нарачанская зара” завіталі да тых, хто сябруе з зяленым змеем, вядзе амаральны лад жыцця. У домаўладаннях гэтых грамадзян з году ў год нічога не змяняецца, але спадзяёмся, што састаўленыя адміністрацыйныя пратаколы прымусяць хоць трохі задумацца гора – гаспадароў.