- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Мы за бяспеку! (Любанскі раён)
29 студзеня начальнік Любанскага раённага аддзела па надзвычайных сітуацыях Алег Муравейка сустрэўся з працоўным калектывам ДП “Кінавідэапракат”, намеснік начальніка па аператыўна-тактычнай працы Арцемій Уладзіміравіч Залатар наведаў калектыў ДУА “Гімназія №1 г. Любані”, намеснік начальніка па ідэалагічнай рабоце і кадравым забеспячэнні Андрэй Віктаравіч Рымашэўскі выступіў у лякарні сястрынскага сыходу аг.Сосны-2 УАЗ “Любанская ЦРБ”.
У сваіх выступах, ратавальнікі у першую чаргу спыняліся на захаванні правіл пажарнай бяспекі на працоўных месцах. Нагадалі, як неабходна дзейнічаць пры пажары і іншых надзвычайных сітуацыях.
Больш падрабязна разабралі правілы пажарнай бяспекі ў побыце. Бо ў большасці выпадкаў вогненныя надзвычайныя здарэнні ў жылым сектары - вынік бестурботнасці і пагарды правіламі бяспекі.
Распавялі працаўнікі МНС пра найбольш эфектыўны сродак ранняга выяўлення пажару - аўтаномны пажарны апавяшчальнік, растлумачылі прынцып яго працы і правілы эксплуатацыі.
Таксама звярнулі ўвагу на мабільны дадатак «МНС Беларусі: Дапамога побач», патлумачылі, як усталяваць яго на свае смартфоны і як ім карыстацца.
У завяршэнні мерапрыемства ратавальнікі адказалі на пытанні, якія паступілі. Работнікі прадпрыемстваў на памяць аб сустрэчы атрымалі памяткі супрацьпажарнай накіраванасці.