- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Весела і цікава (Валожыскі раён)
15 кастрычніка ў раённым цэнтры культуры горада Валожына прайшоў заключны этап акцыі «Моладзь за бяспеку!» і восеньскі баль юных выратавальнікаў-пажарных. У прасторнай зале сабралася актыўная і мэтанакіраваная моладзь, якая з нецярпеннем чакала пачатку мерапрыемства. А падрыхтавалі яго актывісты клуба юных выратавальнікаў-пажарных “Ліквідацыя”, якія ў цікавай форме распавялі пра Беларускую моладзевую грамадскую арганізацыю выратавальнікаў-пажарных, аб тым, чым займаюцца юныя выратавальнікі. Гледачам былі прадстаўлены фотаздымкі з мерапрыемстваў і акцый, у якіх прынялі ўдзел актывісты, а таксама відэафільмы аб дзейнасці арганізацыі.
У гэты дзень арганізацыя папоўніліся новымі актыўнымі і крэатыўнымі маладымі людзьмі, якім ва ўрачыстай абстаноўцы былі ўручаны пасведчанні. Самым актыўным членам арганізацыі былі ўручаны падзякі і падарункі.
На мерапрыемстве гучала шмат музычных нумароў, а таксама было прадстаўлена цікавае і вясёлае выступленне каманды КВЗ.