- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
З днём нараджэння, “Зубраня”!
Роўна 50 гадоў таму, 17 жніўня 1969 гады, гукі піянерскага срэбнага горна абвясцілі пра пачатак новай гісторыі пад назвай «Зубраня». Гэтая дата стала своеасаблівым сімвалам, днём сустрэч і ўспамінаў, асаблівым святам. Свой паўвекавы юбілей «Зубраня» адзначыў у коле самых блізкіх: прадстаўнікоў розных пакаленняў супрацоўнікаў і выхаванцаў, партнёраў, сяброў і ганаровых гасцей.
17 жніўня 2019 года ў святочны дзень «Нам - 50!» адбылася ўрачыстая лінейка, якая стала своеасаблівым злучным звяном мінулага і сучаснасці.
Не засталіся ў старане і выратавальнікі Мядзельшчыны. Яшчэ да пачатку мерапрыемства актывісты Беларускай маладзежнай грамадскай арганізацыі выратавальнікаў - пажарных пачалі дапамагаць работнікам МНС: расстаўлялі сталы для гульнявых пляцовак, раскладвалі наглядна – выяўленчую прадукцыю, рыхтавалі інвентар і абсталяванне для правядзення конкурсаў.
У вызначаны час актывісты і выратавальнікі распачалі сваю работу. На гульнявых пляцоўках дзеці з задавальненнем раскручвалі цукеркі, надзеўшы на рукі крагі, складвалі мазаіку, словы і прымаўкі на супрацьпажарную тэматыку, з задавальненнем і цікавасцю спрабавалі абагнаць адзін аднаго на цацачных машынках, знайсці на сабе прышчэпкі з завязанымі вачыма. Падчас конкурсаў яны дэманстравалі свой спрыт, знаходлівасць, кемлівасць. Асаблівую ўвагу прыцягвала пажарная і аварыйна-выратавальная тэхніка і абсталяванне. Дзеці даведаліся, у якіх выпадках выкарыстоўваецца гідраўлічны інструмент, паспрабавалі з яго дапамогай рэзаць металічныя пруты рознага дыяметра, а таксама “патушылі” умоўны пажар.