- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Бяспека дзяцей - клопат бацькоў (Мядзельскі раён)
Лета не за гарамі, таму падумаць аб бяспечным адпачынку дзяцей у час летніх канікул павінны ўсе, а ў першую чаргу, бацькі. Вядома, немагчыма прадугледзець усё і цалкам засцерагчы дзіця. Але прагаварыць небяспечныя сітуацыі, растлумачыць, чаму яны могуць адбыцца, – абавязак бацькоў.
У сям'і дзіця знаёміцца з правіламі паводзін у многіх сітуацыях, сярод якіх правілы паводзін у побыце, на прыродзе, у грамадскіх месцах.
У рамках другога этапу акцыі "Не пакідайце дзяцей адных!" прайшоў бацькоўскі сход у дзяржаўнай установе адукацыі "Дашкольны цэнтр развіцця дзіцяці курортнага пасёлка Нарач", падчас якога інжынер інспекцыі нагляду і прафілактыкі Мядзельскага раённага аддзела па надзвычайных сітуацыях патлумачыла асноўныя правілы бяспекі.
– Мы, дарослыя павінны быць у курсе, чым займаюцца нашы дзеці па-за сценамі діцячага садка, школы і дома, з кім і як яны праводзяць час. Асабліва гэта тычыцца цёплага часу года, калі дзеці больш часу праводзяць на вуліцы. Калі ваша дзіця знаходзіцца пад вашым кантролем, калі ваша меркаванне для яго неабыякава, у вашых дзяцей значна памяншаецца ступень рызыкі патрапіць у бяду. Паверце, гэта зусім не агульныя словы. Любы чалавек вам пацвердзіць: што б ні рабілі выхавальнікі, педагогі і ўсё грамадства ў цэлым, гэтага мала, таму што дзіця абараняе, перш за ўсё, любоў і ўвага бацькоў. І напрыканцы хачу сказаць: не грэбуйце правіламі бяспекі! Калі вы не станеце самі выконваць элементарныя правілы бяспекі, то і вашыя дзеці не стануць гэтага выконваць, як бы вы ні стараліся. Мы, дарослыя, сваім асабістым станоўчым прыкладам павінны навучыць дзяцей выконваць правілы і сумесна з дзецьмі прымяняць гэтыя правілы ў жыцці!