- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Кірмаш бяспекі”: “гандлюем” карыснымі ведамі (Клецкі раён)
З аграгарадка Сіняўка распачаўся марафон мерапрыемстваў 2 этапа рэспубліканскай прафілактычнай акцыі “Дзень бяспекі. Увага ўсім!” на тэрыторыі Клецкага раёна.
Сумесныя намаганні работнікаў раённага аддзела па надзвычайных сітуацыях і сельвыканкама па анансаванні “Кірмаша бяспекі” мелі свой вынік – жыхароў у глядзельнай зале мясцовага Дома культуры сабралася шмат. І тыя, хто прыйшоў, ніколькі не пашкадавалі пра гэта: пра правілы бяспекі ім распавядалі цікава і нетрадыцыйна.
Напачатку мерапрыемства перад жыхарамі аграгарадка выступіла інспектар інспекцыі нагляду і прафілактыкі раённай службы ратавання Алена Леанідаўна Казлоўская, якая, скарыстаўшы магчымасць, нагадала прысутным пра актуальныя праблемы бяспекі ў вясновы перыяд: забарона спальвання сухой расліннасці, правілы развядзення вогнішчаў, усталявання мангалаў. Не засталіся без увагі Алены Леанідаўны і іншыя аспекты прафілактыкі: правілы карыстання электрапрыборамі і электраабсталяваннем, правільная эксплуатацыя пячнога абсталявання, забарона пакідаць малалетніх дзяцей без нагляду і інш.
Пасля вуснай размовы ўдзельнікі сельскага сходу былі запрошаны на “Кірмаш бяспекі”, які “прапаноўваў” карысныя забавы, як кажуць, на любы густ. Наведвальнікі пляцоўкі “Печкі-лавачкі” “набывалі” веды пра правілы карыстання пячным абсталяваннем. “Пільны электрык” – месца, дзе “гандлявалі” правіламі карыстання электрапрыборамі. Дарослыя з задавальненнем удзельнічалі ў конкурсе на ўсталяванне аўтаномнага пажарнага апавяшчальніка, а школьнікі – на хуткасць апранання касцюма выратавальніка. Гледзячы на ўзнеслы настрой аўдыторыі, можна было зразумець, што фармат “Бяспечная вёска” – удалая спроба праз гульнёвыя формы навучыць вяскоўцаў пільна ставіцца да свайго жыцця і здароўя.