- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Быць гатовым да надзвычайнай сітуацыі…(Мядзельскі раён)
Кожны з нас у сваім жыцці можа сутыкнуцца з надзвычайнымі сітуацыямі. І часцяком ад хуткасці рэакцыі і правільнасці дзеянняў залежыць не толькі здароўе, але і жыццё чалавека.
19 лютага на базе пажарнай аварыйна - выратавальнай часці № 4 паселка Нарач адбылося вучэбна - метадычнае мерапрыемства для кіруючага складу аддзелаў Мядзельскага раённага выканаўчага камітэта.
Мерапрыемства было распланавана так, што спалучаліся ў сабе як тэарэтычная, так і практычная часткі. У самым пачатку мерапрыемства начальнік Мядзельскага раённага аддзела па надзвычайных сітуацыях Андрэй Каркоцкі азнаёміў прысутных з бытам выратавальнікаў: госці наведалі пакоі адпачынку і прыёму ежы, паглядзелі тэхніку і ўзбраенне, якая стаіць на варце бяспекі жыхароў Мядзельшчыны. У працяг мерапрыемства было прапанавана ўсім надзець баявую вопратку работнікаў МНС і адчуць сябе сапраўднымі выратавальнікамі.
І вось ... прагучала сірэна і з гаража з'яўляецца аўтацыстэрна, якая спяшаецца на загаранне ўмоўнага пажару. Далей дэлегацыя, якая складаецца з 25 чалавек, падзялілася на дзве групы. Адны тушылі "загаранне", другія - па ўстаноўленай аўталесвіцы "імкнуліся выратаваць людзей з палаючага шматпавярховага будынку".
А што ж далей? А далей "задымленае памяшканне", дзе ў густым дыме неабходна было знайсці пацярпелага. З гэтай задачай прысутныя таксама справіліся на УРА. Наступным этапам мерапрыемства стала праходжанне псіхалагічнай паласы перашкод. І вось прысутныя прыступілі да выканання выпрабаванняў - пераадолення бар’ераў, лесвіц, “рукаходаў”, надземных адкрытых тунэляў і лабірынтаў. Тут госці таксама паказалі нядрэнную фізічную падрыхтоўку і , галоўнае, вытрымку.
Напрыканцы сустрэчы былі падведзены вынікі і ўсе з добрым настроем і бурнымі апладысментамі пакінулі тэрыторыю часці.