МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Так свет бяспекі бачаць дзеці... (Клецкі раён)
Маляўнічыя вобразы свету бяспекі, жыцця і службы выратавальнікаў увасабляюць дзеці у сваіх творчых работах. Ды робяць гэта так цудоўна, так шчыра, так мастацкі, што здзіўляюць не толькі сваіх равеснікаў, а і дарослых.
У Клецку падвялі вынікі раённага агляду-конкурсу “Выратавальнікі вачыма дзяцей”. На выставе былі прадстаўлены прыгожыя плакаты з павучальнымі слоганамі, малюнкі дзяцей самых розных узроставых катэгорый. Традыцыйна, выдатныя работы прапанавалі юныя канструктары-творцы ў намінацыі "Мадэль пажарнай аварыйна-выратавальнай тэхнікі". Незвычайныя міні-скульптуры з гліны і пластыліну паказвалі нам выратавальнікаў будучыні і мінулага, а мудрагелістыя вырабы з разнастайных матэрыялаў паказвалі, да чаго можа прывесці неасцярожнасць і бестурботнасць. Дзеці-літаратары на суд журы прадставілі свае казкі, апавяданні і вершы, у якіх у крэатыўнай форме адлюстравалі жыццё і службу выратавальнікаў-пажарных, а таксама тэму бяспекі.
У цырымоніі ўзнагароджання раённага агляду-конкурсу дзіцячай творчасці, якая адбылася ў цэнтры дзіцячай творчасці, прынялі ўдзел больш за 30 хлопчыкаў і дзяўчынак. Павіншавалі пераможцаў работнікі раённага ўпраўлення адукацыі, раённага аддзела па надзвычайных сітуацыях. Цёплыя словы хвалы і ўдзячнасці былі адрасаваны і педагогам, якія дапамагалі сваім вучням. Усе ўдзельнікі атрымалі заслужаныя дыпломы і падарункі, апладысменты гледачоў і музычныя віншаванні. А работы-пераможцы будуць з нецярпеннем чакаць абласнога этапу.
Будь готов
Другие новости
