- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
«Юныя выратавальнікі – наперад!» (Мядзельскі раён)
З самага дзяцінства любы чалавек ведае, што такое свята, і кожны жадае, каб святочных мерапрыемстваў у іх жыцці было як мага больш. Свята – гэта важная частка жыцця дзіцяці, гэта радасная падзея.
Іх любяць усе без выключэння: і дарослыя, і дзеці. Менавіта такое вясёлае і незабыўнае мерапрыемства клуб юных выратавальнікаў-пажарных “Іскрынка” падарылі дашкалятам з дзяржаўнай установы адукацыі “Яслі-сад № 4 г. Мядзела”.
У самым пачатку мерапрыемства кіраўнік клуба Алена Паршута расказала дзецям пра тое, што прафесія «выратавальнік» лічыцца адной з самых небяспечных, аб тым, што выратавальнікі прыходзяць на дапамогу людзям, якія трапілі ў бяду, вельмі часта рызыкуючы ўласным жыццём і пра тое, што ён павінен быць моцным, цягавітым, смелым, разумным. Далей пачаліся сапраўдныя спаборніцтвы, якія склаліся з конкурсу віктарын, “вызаву” службы выратавання, а таксама аказання дапамогі тым, хто церпіць бедства на лёдзе. Не засталіся без увагі і героі мультфільма “Чароўная кніга”, праглядваючы які, хлопчыкі і дзяўчынкі ўспомнілі правілы бяспечных паводзін.
Увогуле, конкурсная праграма была вельмі насычаная і цікавая. Падчас правядзення эстафеты “Дапамога на лёдзе” дзеці на практыцы змаглі адчуць складанасць і небяспеку прафесіі пажарнага-выратавальніка, успомніць асноўныя правілы бяспечных паводзін у надзвычайнай сітуацыі. Свята бяспекі прайшло вельмі весела, шумна, заўзята. Масу станоўчых эмоцый атрымалі не толькі дзеці, але і прысутныя дарослыя. У завяршэнні свята дзеткам былі ўручаны памятныя падарункі.